Aktuelles

Innovativ Regionalentwécklung mat a fir eis Bierger - kuckt iech dëse flotte Film un, deen am Kader vun 30 Joer LEADER zu Lëtzebuerg realiséiert gouf. Esou kritt dir en Abléck, wéi eng flott Projeten an deene 5 LEADER Regiounen ëmgesat gi sinn.

Den 22. Januar 2021 war Jugend4room online iwwer Facebook aus dem Jugendhaus Äischen
mat der Jugendkommissioun Gemeng Habscht.
Déi Jonk konnte sech mat folgende Froe beschäftegen:
1. Wat ass mir wichteg an eiser Gemeng?
2. Wat wëlle mir änneren?
3. Wéi wëlle mir dat maachen?
4. Wat brauche mir dofir?

Den 19. November huet déi éischt Infoversammlung vun der Cooperative LEADER Lëtzebuerg West zu Tënten stattfonnt. D'Christiane Eicher-Karier, Presidentin vu LEADER Lëtzebuerg West huet d'Bierger begréisst an huet d'LEADER Initiative virgestallt. Den Ed Buchette, President vum Conseil d'administration vun der Cooperative huet erklaërt wéi de Projet zu staane koum, huet d'Membere vum Conseil virgestallt an och d'Ziler an d'Fonctionnement vun der Cooperative. Déi technesch Détailer zu den Anlagen huet de Paul Kauten vum Energiepark Réiden ginn. Am Uschloss haten d'Participanten d'Méiglechkeet fir Froen ze stellen an d'Gemeng Helperknapp huet d'Leit op e Patt invitéiert.
Déi interesséiert Leit wou gëschter net konnten deelhuelen, fannen d'Presentatioun souwéi de verbindleche Bulletin de souscription de part(s) ënnert www.ecoop-west.lu

Am Kader vun 30 Joer Entwécklung vum ländleche Raum ass e kuerze Film produzéiert ginn bei deem lëtzebuerger Perséinlechkeeten dervun erzielen wat si mat dësem Begrëff verbannen.

Vum 21. bis de 24. Oktober hu mir eng Rees an Umbrien, Italien ënnerholl, wou d'Partner aus de 9 Länner sech ausgetosch hunn, a flott Slowtrips-Iddie gewise kruten.

Sidd dir interesséiert fir an d'Projeten vun der regionaler Energie Kooperativ ze investéieren?
Da kommt op déi 1. Versammlung fir d'Bierger vun de Partnergemengen Miersch, Helperknapp, Mamer, Stengefort, Käerch, Garnech an Habscht.
Rendez-vous ass den 19. November um 20:00 Auer am Koschteschbau zu Tënten - 2, rue de Hollenfels.