HistoSchool

HistoSchool

HistoSchool - Lokal Geschicht an der Schoul

Wëllkomm op um Internetsite vun HistoSchool. Héi fannt Dir Unterrechtsmaterial ronderëm geschichtlech Themen aus de Gemengen Garnech, Habscht, Helperknapp, Käerch, Mamer, Miersch a Stengefort.

D’Dossiere kënne gratis erofgeluede ginn.

Iwwert de Filter op der lénker Säit kënnen d'Inhalter no Gemeng, Themegebitt a Cycle ugewise ginn.

Ufroen fir Material auszeléinen kënne per Email oder Telefon gemat ginn.

Mir freeën eis iwwer all Ufroen a Réckmeldungen:

LEADER-Büro Lëtzebuerg West
1, rue de l'Eglise
L-7481 Tuntange

  +352 / 26 61 06 80
 lw@leader.lu

1. und 2. Weltkrich - Miersch fréier an haut

zip | 20.64 Mo
Télécharger
Aktivitéit fir de Cycle 4.
Zwee Spiller fir d'Verwennung am Unterrecht bei deenen d'Kanner Miersch wéi et virun 100 Joer war kenneléieren a de Verglach mat haut zéie kënnen.
1. und 2. Weltkrich - Miersch fréier an haut

3 clever Butzen

zip | 2.54 Mo
Télécharger
Ee Nomëtten mam Maria, Myriam a Marco zu Mamer...
Eng Virliesgeschicht iwwert d’Gemeng Mamer mat Illustratiounen. Kanner aus méi héije Cyclen, kënnen d’Geschicht selwer liesen.
Inhalt: Soen a Legenden, wichteg Plazen an historesch Perséinlechkeeten aus der Gemeng
3 clever Butzen

Animatiounsfilm "Al Schmelz" Steinfort

Télécharger
zip | 1.16 Mo
En Animatiounsfilm weist d‘Funktiounsweis vun der Aler Schmelz zu Stengefort mat Erklärungen zu den Ofleef an der Schmelz an den eenzelne Gebaier.
Et ass e kuerzen Erklärvideo komplementar zum Unterricht. Dozou kann d'Maquette vum Site "Al Schmelz Stengefort" an enger Gruppenaarbecht realiséiert ginn.

Animatiounsfilm "Al Schmelz" Steinfort

Atelier Wäsche fréier an haut

zip | 5.67 Mo
Télécharger
Aktivitéit fir de Cycle 3
A villen Dierfer existéiert nach e Wäschbuer vu fréier. Eng Aktivitéit iwwert d‘Thema Wäschen - fréier an haut, mat 2 Geschichten.
D‘Zil vun der Aktivitéit ass et de SchülerInnen d‘Ënnerscheeder ze weisen tëschent dem Wäsche fréier an haut. Durch de prakteschen Deel gëtt hinne vermëttelt, wat Wäsche fréier bedeit huet am Verglach zu haut. Dat neidegt Material kann beim LEADER Büro ausgeléint ginn.
Atelier Wäsche fréier an haut

Ausfluch an d'Steekolle vu Stengefort

zip | 9.52 Mo
Télécharger
Eng Geschicht mat zwee Personnagen (d‘Gréitchen an de Péitchen) begleet d‘Klass iwwer verschidde Statiounen (Schoul, Villa Collart, Schmelz, Schlakentipp, Schinnen Atertlinn,...) bis bei déi ehemoleg Steekaulen ënnerhalb vum Schwaarzenhaff. Ënnerwee si verschidden Aktivitéite mat der Klass virgesinn: Froe beäntwerten, ee Gruppespill, en Orientéierungsspill a Material sammele fir eng Bastelaktivitéit, Bastelen an Fotoe maachen.
D'Kostümer fir d'Fotoen ze maachen kënnen op Ufro beim LEADER Büro ausgeléint ginn. Ufro wgl. mindestens eng Woch am Viraus.
Ausfluch an d'Steekolle vu Stengefort

Bekannt Perséinlechkeeten aus Miersch

zip | 25.79 Mo
Télécharger
Eng Informatiounstatioun am Mierscher Park weist 4 bekannt Perséinlechkeeten aus Miersch. D'Statioun bidd d'Méiglechkeet ee klengt Spill ze maachen fir d'Persounen an hiert Wierken zu Miersch kennenzeléieren. Wien d'Aktivitéit léiwer am Klassesall mëscht kann sech d'Würfele vun der Statioun och aus Karton am LEADER Büro ausléinen.
Bekannt Perséinlechkeeten aus Miersch

Buch Balafré

zip | 5.88 Mo
Télécharger
Aktivitéit fir den Cycle 4
D‘Buch Balafré ass am Kader mam LCD-Annexe Miersch entstanen a erzielt d‘Geschicht vun der So Balafré fir d‘SchülerInnen aus dem C4 mat passenden Illustratiounen. D‘Buch an d‘Geschicht kënnen am Däitschunterricht benotzt ginn oder als Astig an d‘Thema Wëllef.
Buch Balafré

D'Geheimnis vum Gréiweschlass

zip | 5 Mo
Télécharger
D'Aktivitéit ass recommandéiert fir d‘Cyclen 1 & 2 & 4.
D'Geschicht mëscht d'SchülerInnen mam Käercher Gréiweschlass, dem Liewen am Mëttelalter a verschiddenen historeschen Personnagen vertraut. Eng léif Geschicht mat Happyend ronderëm en trauregen Deel vun der Käercher Geschicht, d'Hexeverfollegung am 17. Jhd.
Eng einfach geschriwwe Geschicht fir virzeliese mat passenden Illustratiounen.
Kann am Cycle 4 als Aleedung an d'Thema Mëttelalter genotzt ginn.
D'Geheimnis vum Gréiweschlass

D'Liewe wéi fréier

zip | 12.48 Mo
Télécharger
Dës Aktivitéit ass recommandéiert fir de Cycle 1 an 4.
Eng Geschicht iwwert d‘Liewen am ländlechen Duerf Koler em 1350. Als Virliesgeschicht fir d‘Kanner aus dem Cycle 1 an als Geschicht fir selwer ze liesen fir d‘Kanner aus dem Cycle 4.
D'Geschicht ass op Lëtzebuergesch geschriwwen.
Inhalter C1:
Wéi liewen d‘Léit am Duerf? Wéi liewen d‘Léit op der Buerg?
Inhalter C4:
Wéi liewen d‘Léit am Duerf? Tempelritter - Wat ass dat?
D'Liewe wéi fréier

Das kleine Kräuterbuch

zip | 3.28 Mo
Télécharger
Dëst ass en Heft ronderëm d‘Simmerfarm an hir Produkter, verschidde Kraider an hier Verwendungsméiglechkeeten. Am Heft fënnt een eng Réi Aktivitéiten déi mat de Kraider kënnen ëmgesat ginn. Am Heft sinn Aktivitéiten fir verschidden Altersstufen ze fannen.
Das kleine Kräuterbuch

De frommen Tom - en echte Simmer Ritter

zip | 2.05 Mo
Télécharger
An dëser Kuerzgeschicht gëtt d‘Liewensgeschicht vum Ritter Thomas de Septfontaines, en historesche Personnage aus dem fréien 14. Jh deen op der Buerg Simmer gelieft huet, erzielt. Dës wouer Geschicht berout op dokumentéierten Erzielungen a kann als Astig an d‘Thema Mëttelalter am C4 geholl ginn.
De frommen Tom - en echte Simmer Ritter

Dinosaurier in Brouch

zip | 3.71 Mo
Télécharger
Zu Brouch am Steebroch goufe virun e puer Joer Iwwerreschter vun engem Dinosaurier fonnt. Wéi kommen déi dohinn a wat war dat fir en Dinosaurier? Bei dëser Aktivitéit kënnen d'SchülerInnen dat erausfannen. Si gruewen en Ee aus, klappen et op an entdecke bannendran en Dinosaurier(skelett) aus Plastik. Eng Geschicht féiert un d'Aktivitéit erun.
D'Material fir d'Aktivitéit ka beim LEADER Büro op Ufro ausgeléint ginn. Ufro wgl. mindestens eng Woch am Viraus.
Dinosaurier in Brouch

Garnecher Zäitblietchen

zip | 1.98 Mo
Télécharger
Eng Zeitung mat Artikelen aus de verschiddenen Epochen vun der Geschicht erzielt d‘Geschicht vun der Gemeng Garnech. D‘Zeitung bitt domat eng Grondlag fir mat de Schüler/innen iwwert eenzel historesch Sitten oder Themen ze schwätzen. Vun dëser Zeitung ausgoend kann een den Astig a verschidden historesch Theme maachen oder d'Zeitung an anere Fächer notzen (z.B. am Sproochenunterricht).

Garnecher Zäitblietchen

Geeschter, Wiichtelcher a verschwonnen Dierfer

zip | 5.96 Mo
Télécharger
Aktivitéit recommandéiert fir d‘Cyclen 1-4.
Geschichten iwwert d‘Legenden aus der Gemeng Helperknapp. D‘Geschichte sinn einfach opgebaut a kënnen als Virliesgeschicht benotzt ginn awer och ab dem Cycle 3 vun der SchülerInne selwer gelies ginn. D‘Illustratioune weise wat an de Geschichte geschitt.
Geeschter, Wiichtelcher a verschwonnen Dierfer

Geschicht "Beim Wäschbuer"

zip | 4.51 Mo
Télécharger
Wéi gouf fréier gewäsch? Eng lëschteg Geschicht, déi d‘SchülerInne kënnen nostelle mat hire Kostümer.
Geschicht iwwert d‘Liewe vum Tom (historesche Personnage aus Simmer am Ufank vum 14. Jh). An dëser kuerzer Geschicht ass een Nomëtten am Tom sengem Liewen als Bouf op der Simmer Buerg erausgegraff. Der Geschicht no, souz den Tom als Bouf gäre beim Wäschbuer fir de Fraen aus dem Duerf bei hirer Aarbecht nozekucken an dem Gespréich nozelauschteren.
Passend Kostümer kënnen op Ufro beim LEADER Büro ausgeléint ginn. Ufro wgl. mindestens eng Woch am Viraus.
Geschicht "Beim Wäschbuer"

Handwierksberuffer fréier an haut - de Kuelebrenner

zip | 18.22 Mo
Télécharger
Aktivitéit fir de Cycle 4
Sammlung vun Inhalter iwwert de Beruff vum Kuelebrenner. D‘SchülerInne kënnen unhand vum Material an den Informatiounen e „Lapbook“ iwwert dëse Beruff, deen bis Ufank 1900 an eiser Regioun vill Léit beschäftegt huet, zesummestellen.
Handwierksberuffer fréier an haut - de Kuelebrenner

Iwwersiichtskaart Garnech

zip | 1.08 Mo
Télécharger
Eng staark vereinfacht Kaart wéist déi verschidden historesch Sitten a Legenden déi et an der Gemeng gëtt unhand vu klenge Biller. D‘Kaart bitt domat eng Grondlag fir mat de Schüler/innen iwwert eenzel historesch Sitten ze schwätzen. Vun dëser Kaart ausgoend kann een den Astig a verschidden historesch Theme maachen, iwwert Sitten déi een an der Gemeng fënnt an déi d‘Schüler kennen. Se kann awer och an anere Fächer genotzt ginn, z.B. am Sproochenunterricht.
Iwwersiichtskaart Garnech

Iwwersiichtskaart Helperknapp

zip | 2.55 Mo
Télécharger
Bei der Aktivitéit léieren d‘Schüler/innen eppes iwwert d‘Geschicht vun der Gemeng Helperknapp. Eng staark vereinfacht Kaart wéist déi verschidden historesch Sitten a Legenden déi et an der Gemeng gëtt unhand vu klenge Biller. D‘Kaart bitt domat eng Grondlag fir mat de Schüler/innen iwwert eenzel historesch Sitten ze schwätzen. Vun dëser Kaart ausgoend kann een den Astig a verschidden historesch Theme maachen, iwwert Sitten déi een an der Gemeng fënnt an déi d‘Schüler kennen.
Iwwersiichtskaart Helperknapp

Iwwersiichtskaart Simmer

zip | 11.87 Mo
Télécharger
Bei der Aktivitéit léieren d‘Schüler/innen eppes iwwert d‘Geschicht vun der fréierer Gemeng Simmer. Eng staark vereinfacht Kaart wéist déi verschidden historesch Sitten a Legenden déi et an der Gemeng gëtt unhand vu klénge Biller. D‘Kaart bitt domat eng Grondlag fir mat de SchülerInnen iwwert eenzel historesch Sitten ze schwätzen. Vun dëser Kaart ausgoend kann een den Astig a verschidden historesch Theme maachen, iwwert Sitten déi een an der Gemeng fënnt an déi d‘Schüler kennen.
Iwwersiichtskaart Simmer

Lapbook Leben auf der Burg

zip | 62.91 Mo
Télécharger
Sammlung vun Inhalter iwwert d‘Buerg Simmer a seng Bewunner am 14. Joerhonnert. D‘SchülerInne vum Cycle 4 kennen mat dëser Sammlung u verschiddenem Material selwer e „Lapbook“ iwwert d‘Roll vum Ritter an der Buergfra am Mëttelalter zesummestellen. Dëst mat konkretem Bezuch zur Uertschaft Simmer.
Lapbook Leben auf der Burg

Mamer Zäitblietchen

zip | 16.07 Mo
Télécharger
Eng Zeitung mat Artikelen aus de verschiddenen Epochen vun der Geschicht erzielt d‘Geschicht vun der Gemeng Mamer. D‘Zeitung bitt domat eng Grondlag fir mat de Schüler/innen iwwert eenzel historesch Sitten oder Themen ze schwätzen. Vun dëser Zeitung ausgoend kann een den Astig a verschidden historesch Theme maachen oder d'Zeitung an anere Fächer notzen (z.B. am Sproochenunterricht).
Mamer Zäitblietchen

Modell a Maquette Al Schmelz

zip | 100.81 Mo
Télécharger
D‘SchülerInne vum Cycle 4 kënne mat dësem Fichier selwer e Modell vun der Aler Schmelz zesummebastelen.
D‘Schmelz ass gewise wéi se em d‘Joer 1915 zu Stengefort tatsächlech stoung a funktionnéiert huet. De Modell ass am Moossstaf vun 1:20. Et ass recommandéiert am Virfeld den Animatiounsfilm „Al Schmelz“ ze kucken.
Modell a Maquette Al Schmelz

Modell Mierscher Schlass

zip | 37.9 Mo
Télécharger
D‘SchülerInne vum Cycle 4 kënne mat dësem Fichier selwer e Modell vun Mierscher Schlass zesummebastelen.
Et gëtt eng Ausféierung féodal an eng contemporain. De Modellbau gouf unhand vu verschiddener Quellen zesummengestallt. De Modell ass am Moossstaf vun ongeféier 1:20.
An enger uschléissender Diskussioun kann een Austausch iwwert déi architektonesch Entwécklung, d'Geschicht an d'Schlasshäre stattfannen.
Modell Mierscher Schlass

Rallye Käercher Schlass

zip | 82.12 Mo
Télécharger
Ee Rallye duerch d‘Gréiweschlass vu Käerch, bei där d‘Schüler a Gruppen spillen. Si mussen ënnerschiddlech Aufgaben am Schlass léisen fir de Schlëssel zu enger Truh ze fannen an d‘Rätsel ze léisen dat eng Aleedungsgeschicht hinne stellt.
Bei der Rallye mussen d‘Kanner verschidden Zorte vun Aufgabe léisen: Logikrätsel, Wuerträtsel, Feeler fannen, Orientéierungsrätsel, Puzzlen, a Villes méi.
D'Truh an de Schlësselbond déi fir d'Rallye gebraucht ginn, ka beim LEADER Büro op Ufro ausgeléint ginn.
Rallye Käercher Schlass

Réimesch Spiller

zip | 3.79 Mo
Télécharger
Aktivitéit fir de Cycle 4.
Eng Uleedung mat verschiddene réimesche Spiller déi een z.B. kann zu Miersch bei der réimescher Villa op Mies spillen. D'Spiller kënnen awer och am Klassesall gemat ginn. De Stomachion an déi passend Würfelen kann een am LEADER Büro ausléinen.
Réimesch Spiller

Réimeschen Entdeckungskoffer

zip | 2.64 Mo
Télécharger
Am réimeschen Entdeckungskoffer si verschidde Reproduktiounen aus der Réimerzäit presentéiert. Alles kann vun de Kanner ugepaackt ginn. 3 passend Bastelaktivitéiten begleeden dës Aktivitéit. De Réimerkoffer kann am Kader vum Geschichtsunterricht am C4 - Die Gallo-Römer zum Asaz kommen a kann z.B. als Astig an d'Thema genotzt ginn. De Koffer kann op Ufro beim LEADER Büro ausgeléint ginn (Informatiounen am Dossier). D'Ufro muss wgl. mindestens eng Woch am Viraus gemaach ginn.
Réimeschen Entdeckungskoffer

Theaterstéck Fremde in Simmern

zip | 5.49 Mo
Télécharger
Geschicht iwwert dat soziaalt Liewen an engem klengen Duerf. Dat Ganzt ass als Theaterstéck opgesat, dat ee ka mat enger Klass vu bis zu 20 a méi SchülerInnen opféieren. D‘Haaptpersonnagë
sinn déi Figuren déi schonn aus der Geschicht „Beim Wäschbuer“ bekannt sinn. D'Kostümer kënnen beim LEADER Büro ausgeléint ginn. Ufro wgl. mindestens eng Woch am Viraus.
Theaterstéck Fremde in Simmern

Theaterstécker aus 3 Epochen

zip | 2.84 Mo
Télécharger
3 verschidden Theaterstécker fir jeeweils 5-6 Kanner aus dem Cycle 4.
Themen: Gallo-Réimer, Mëttelalter an 2. Weltkrich.
All Theaterstéck ass komplett mat Regieuweisungen a Kostümer, déi kënnen um LEADER Büro ausgeléint ginn.
Theaterstécker aus 3 Epochen

Topographesch Kaart Gemeng Helperknapp

zip | 10.59 Mo
Télécharger
Eng topographesch Kaart vun der Gemeng Helperknapp fir d‘Verwendung an de Course vun der Geografie am Cycle 4.
D‘Kaart bitt eng Grondlag fir mat de Schüler/inne verschidden Themen ze behandelen déi am C4 an der Geografie um Programm stinn.
Topographesch Kaart Gemeng Helperknapp

Visite guidée Al Schmelz

zip | 1.02 Mo
Télécharger
Bei dëser Visitt guidée kréien d'SchülerInnen d‘Funktiounsweis vun der ehemoleger Aler Schmelz zu Stengefort erkläert.
Um Flyer ass de Plang ze gesinn, wéi de Site deemools ausgesinn huet an d'Funktioune vun den eenzele Gebaier sinn erkläert. Mat engem Quiz, engem Animatiounsfilm an der Kreatioun vun engem klenge Gadget gëtt d'Visitt ofgeschloss. D'Aktivitéit kann direkt beim Guide gebucht ginn (Kontakt am Fichier).
Visite guidée Al Schmelz

Wëllef zu Miersch - Spill a Bastelen

zip | 2.62 Mo
Télécharger
Aktivitéit fir de Cycle 4
En klengt Spill gëtt en Astig an d'Biologie vum Wollef. Passend zum Spill kënnen Maske gebastelt ginn.
Wëllef zu Miersch - Spill a Bastelen